භාෂාවකදී අකුරු එකින් එක අමුණමින් අපි වචනයක අරුත වටහා ගනිමු. 1+2 යනුවෙන් දුටුවිටද එම ඉලක්කම් අමුණමින් කියා පාන දේ අපට වටහා ගන්නට එතරම් කාලයක් ගත නොවේ. ඒ අනුව ගණිතය භාෂාවක් නම් එහි භාවිත වන අක්ෂර සංඛ්‍යා විය යුතුය. සංඛ්‍යා යනු මිනිස් සිතින් අර්ථ දක්වා ගත් සංකල්පයකි. ඒවා රූපයක් හෝ ද්‍රව්‍යයක් විය හැකියි. මේවා ගණිතමය භූතාර්ථ (Mathematical Entity) ලෙස හැඳින්වේ. මේවායේ රූපයමය ස්වාභාව‍ය සංස්කෘතියට සාපේක්ෂ වේ. රෝම ඉලක්කම් පද්ධතිය සහ නූතනයේ බහුලවම භාවිතා වන හින්දු-අරාබි ඉලක්කම් පද්ධතිය මේවාට නිදසුන්ය. ඒ වගේම සිංහල ඉලක්කම් පද්ධතියක් පිළිබඳවද පසුගිය කාලයේ කතාබහට ලක් වුණා. මෙතනින්: www.sinhala-online.com/sinhala-digits-number-page.html ගිහිල්ලා බැලුවොත් නූතන ඉලක්කමට අනුරූප සිංහල ඉලක්කම් බලා ගත හැකියි.

නූතන ඉලක්කම් පද්ධතිය පිළිබඳවද විවිධ මත වාද තිබේ. බොහෝ දෙනෙක් විශ්වාස කරන්නේ අද පවත්නා ඉලක්කම් පද්ධතිය ඉන්දියාව ප්‍රමුඛ පෙරදිගින් බිහි වී අරාබිය ඔස්සේ යුරෝපය වෙත සංක්‍රමණය වී නැවත යුරෝපීය ආධිපත්‍යය ඔස්සේ ලොව පුරා ව්‍යාප්ත වූ බවයි.

මේ ඉලක්කම් (ගණිතමය භුතාර්ථ) තාර්කික ඥානයකින් යුතුව හසුරුවාලීම ගණිතයේදී සිදුවේ. ෴