අප කුඩා කල උගත් සේම, පදාර්ථය තැනී ඇත්තේ ඝණ (Solid), ද්රව (Liquid), සහ වායු (Gas), යන මූලික අවස්ථා තුනෙනි. ලොවෙහි පවතින සියළුම ද්රව්ය මෙම අවස්ථා තුනෙන් එක් අවස්ථාවක පසු වේ. සමහර විට ඒ අවස්ථා තුනෙහිම පවතින ද්රව්ය නැත්තේ ද නොවේ. උදාහරණයක් ලෙස අයිස්, ජලය, සහ ජල වාෂ්ප ලෙස ජලය (H2O) පවතී.
[caption id="attachment_216" align="aligncenter" width="300" caption="පදාර්ථයේ අවස්ථාව අනුව අංශූවල සැකැස්ම"][/caption]
ඝන(Solid)
ඝණ ද්රව්ය තැනී ඇත්තේ ඒවායේ අංශූන් දැඩි ලෙස ඇසිරීමෙනි. ඝණ ද්රව්ය වලට නියත හැඩයක්, සහ පරිමාවක් ඇති අතර පහසුවෙන් හැසිරවිය හැක. මෙම ඝණ ද්රව්ය වල අංශූන්ගේ ඇසිරීම නිසි රටාවකට සිදුවන අතර ඒරටාව පහසුවෙන් හඳුනාගත හැකිය. එසේම ඒ අංශූන් එකිනෙකට අසුරන ආකර්ෂණ බල ඝණ ද්රව්ය වල දැඩිව ක්රියාත්මක වේ. එක්ස් කිරණ විසරණ ක්රමය (X-ray diffraction technique) මගින් පරීක්ෂා කළ විට ස්ඵටික දැලිසක් (Crystal lattice) ලෙස ඇසිරී ඇතිවාසේ පෙනෙන්නේ ඒ ඝණ ද්රව්යයේ සූක්ෂම සැකැස්මයි.
ද්රව (Liquid)
ද්රව වලට නියත හැඩයක් නොමැති අතර පරිමාවක් ඇත. ඒවායේ අංශූන් ලිහිල්ව ඇසිරී පවතී. ද්රවයන් දෑම විටම අඩංගු භාජනයේ හැඩය ගනී. බොහොමයක් ද්රාවණ සහ සමහරක් ලෝහ වර්ග ද්රව ලෙස ස්වභාවයේ පවතී.
වායු (Gas)
වායූන්ට සියමිත හැඩයක් හෝ පරිමාවක් නොමැති අතර ඒවායේ අංශූන් ඉතාම ලිහිල් ලෙස ඇසිරී පවතී. වායූන් ප්රසාරණය හෝ සංකෝචනය කළ හැක. ඒවායේ අංශු අතර අවකාශය බොහෝ දුරට හිස්ය.
[caption id="attachment_212" align="aligncenter" width="450" caption="පදාර්ථය වර්ගීකරණය (classification of matter)"][/caption]
පදාර්ථය විවිධාකාරයෙන් වර්ග කළ හැක. සියළුම දෑ පිරිසිදු ද්රව්යයකි, නැතහොත් මිශ්රණයකි. පිරිසිදු ද්රව්ය එක් දෙයකින් සෑදුන මූලද්රව්යයක් හෝ යම් ද්රව්ය එකකින් හෝ කිහිපයකින් සෑදුන සංයෝගයක් විය හැකිය. උදාහරණයක් ලෙස NaCl එසේ සෑදුන සංයෝගයකි. එහි සංඝඨක වනුයේ Na සහ Cl වේ. එසේම මිශ්රණ ද සමජාතී හෝ විශමජාතී ලෙස වර්ග කළ හැක. මේවා ඝණ, ද්රව, හෝ වායු මිශ්රණ විය හැක. සමජාතී මිශ්රණ වනුයේ ඒ ඒ සංඝඨක නිසි ලෙස මිශ්රවී තැනුන මිශ්රණයකි (Homogeneous mixtures). උදාහරණයක් ලෙස කරදිය ගත් කළ, එහි විවිධ දෑ අඩංගු නමුත් එහි සෑම තැනකම නියත සංඝඨක අනුපාතයක් ඇති සමජාතී ද්රාවණයක් ලෙස පවතී. විශමජාතී මිශ්රණ (Heterogeneous mixtures) එකිනෙක මිශ්රවී හෝ නොවී තිබිය හැක උදාහරණයක් ලෙස ජලයේ වූ තෙල් බිඳිති, කිරි, ආදී දේ දැක්විය හැක. ඒවා මිශ්රණ ලෙස පිටතට පෙණුනත්, ඇත්ත වශයෙන්ම තැනී ඇත්තේ ඉමල්ෂන් (Emulsion) නම් වූ මිශ්රණයක් ලෙසිනි. එසේම කොන්ක්රීට් මිශ්රණයක් ගත් කළ එහි අඩංගු සිමෙන්ති, වැලි, ගල්, ආදිය සෑම තැනකම එකම අනුපාතයට දැකිය නොහැක: එය විශමජාතී මිශ්රණයකි෴
By Dr. Piyal Ariyannada
Tagged as
Chemistry Introduction of Science Matter ද්රව්යමය රසායනය පදාර්ථය රසායන විද්යාව විද්යාව සංයෝගAbout the Author
Related Posts
Popular Posts
-
මාන විශ්ලේෂණය (dimensional analysis) යනු විද්යාවේදී බහුලව ප්රයෝජනයට ගැනෙන එක්තරා ගණිතමය ක්රමවේදයක්. විශේෂයෙන් සමීකරණ ගොඩනෑගීමට බෙහෙවින් උ...
-
දිග යනු එදිනෙදා ජීවිතයේදී බහුලවම භාවිතා කරන භෞතික රාශීයක්. දිග සඳහා අවස්ථානුකූලව දිග, පළල දුර හා උස යන යෙදුම් භාවිතා කරයි. දිග පරාසය ගණිතම...
-
සාමාන්ය භාවිතයන් වලදී මෙන් නොව පරීක්ෂණ වලදී ලබා ගත යුතු පාඨාංක හැකිතාත් නිවැරදි විය යුතුය. සාමාන්ය අඩි කෝදුවක ඇති පරිමාණයේ රේඛා දෙකක් අතර ...
-
ජේ. ජේ. තොම්සන්ගේ ප්ලම් පුඩින් ආකෘතිය - ක්රි.ව.1904 පරමාණුව පිළිබඳ පැහැදිලි ආකෘතියක් මුලින්ම ඉදිරිපත් කළේ 1904 දි ජේ. ජේ. තොම්සන් විසින්. ...
-
සිංහල බසින් නම් චන්ද්රිකාව යනු පරිවාර ග්රහයා යන අර්ථයයි. නමුත් ඒ ස්වාභාවික චන්ද්රිකා වේ. මීට අවුරුදු ගණනකට පෙර කෘත්රිම චන්ද්රිකා කරළි...
-
ලෝහ කැටායන මිශ්රණයක් දී ඇති විට එම එක් එක් කැටායනය හඳුනා ගන්නා ආකාරය අපි මෙහිදී සලකා බලමු. මේ සඳහා s, p හා d ගොනු වලට අයත් ලෝහ කැටායන අඩං...
-
භෞතික විද්යාවේදී සාපේක්ෂ චලිතය හා සම්බන්ධ සිද්ධාන්ත මෙහිදී අපි අධ්යයනය කරමු. භෞතික වස්තූන්ගේ අවකාශය මෙහිදී ප්රධාන වශයෙන් කොටස් දෙකකට බෙද...
-
මූලදද්රව්ය සමස්ථානික(isotopic) භාවිතයෙන් කළ හැකි දෑ බොහෝය. මෙයින් ගත හැකි ප්රධානතම කර්තව්යය වන්නේ න්යෂ්ඨික බලය(nuclear power) ලබා ගැනී...
-
රදර්ෆඩ් ඉදිරිපත් කළ මූලික පරමාණුක ආකෘතිය වන දැඩි ලෙස ධනාරෝපිත න්යෂ්ටිය වටා ඇති ලිහිල්ව ඇසිරුණ ඍණාරෝපිත ඉලෙක්ට්රෝණ වලින් සමන්විත පරමාණුක ආක...
-
අපේ ලෝකය නිර්මාණය වෙලා තියෙන්නේත් පදාර්ථය සහ ශක්තියෙන්. මේක තමා ඉතින් පොදු පිළිගැනීම. පදාර්ථය ප්රමාණාත්මකව දක්වන්නට පුළුවන්. ඒ සදහා ස්කන්ධය...
මට ප්රශ්නයක් තියෙනවා "වළාකුළු" මේ අවස්ථා 3න් කෝකටද අයිති? එහෙම බලපුවම මේ ලෝකේ නිශ්චිතවම වෙන් කරන්න බැරි දේවලුත් තියෙනව නේද?
ReplyDeleteඝණීභවනය වීමට ආසන්න වායු වෙන්නත් පුලුවන්.නැතිනම් ඝණයක් වෙන්නත් පුලුවන්.ගුරුත්වාකර්ෂණය අඩු නිසා පාවෙන ඝණ වෙන්න ඕනේ.ගුරුවරයෙක්ගෙන් අහල බලන්න මේ මට හිතුනු දේ
Delete